Myfyrwyr Ysgol Aberconwy yn Rhagori mewn TGAU

Mae myfyrwyr a staff Ysgol Aberconwy yn dathlu blwyddyn drawiadol arall o ganlyniadau TGAU, gyda myfyrwyr yn llwyddo i sicrhau lleoedd ar eu camau nesaf dewisol mewn addysg, hyfforddiant a chyflogaeth.

Mae'r ysgol yn arbennig o falch bod nifer uchel o fyfyrwyr wedi dewis parhau â'u hastudiaethau yn Chweched Dosbarth Ysgol Aberconwy ym mis Medi. Llongyfarchiadau hefyd i'r rhai sy'n dechrau prentisiaethau a llwybrau gyrfa cyffrous eraill.

Mae canlyniadau ar draws ystod eang o bynciau yn tynnu sylw at berfformiad cryf a goreuon personol ar bob lefel. Yn sicr mae wedi bod yn flwyddyn o straeon llwyddiant teuluol, gyda'r efeilliaid Jai ac Anya yn cyflawni 22 gradd A*/A trawiadol rhyngddynt. Dilynodd Mabel a Louie yn agos gyda 20 gradd A*/A rhyfeddol, tra bod y brawd a'r chwaer Mariam ac Ali wedi cyflawni cyfanswm o 17 gradd A*/A gyda'i gilydd.

Llongyfarchiadau arbennig hefyd i Emma a Catherine, a gyflawnodd 11 gradd A*/A anhygoel yr un.
Dathlodd Lilly, Stanley, Mia a Zina lwyddiant ysgubol hefyd, gan gyflawni 10 gradd A*/A yr un.

Dywedodd Ian Gerrard, Pennaeth yr ysgol: “Rydym yn hynod falch o’n myfyrwyr â’r staff sydd wedi’u cefnogi. Mae canlyniadau heddiw yn adlewyrchu llwyddiant academaidd, gwydnwch a phenderfynoldeb. Mae ein dull cynhwysol yn sicrhau bod pob person ifanc yn cael ei adnabod, ei gefnogi a’i herio i ragori, ac mae’n wych gweld cymaint yn cyflawni eu gorau personol.”

Ychwanegodd Gaynor Murphy, Dirprwy Bennaeth: “Mae’r canlyniadau hyn yn dyst i waith caled cyson ac addysgu o ansawdd uchel. Rydym yn arbennig o falch bod cynifer o fyfyrwyr yn dewis parhau gyda ni yn y Chweched Dosbarth, yn hyderus yn yr arweiniad, y cyfoethogiad a’r llwybrau a ddarparwn ar gyfer prifysgol, prentisiaethau a chyflogaeth.”

Mae'r canlyniadau rhagorol hyn yn adlewyrchiad o'r gwaith caled, yr ymrwymiad a'r penderfynoldeb a ddangoswyd gan fyfyrwyr drwy gydol eu hamser yn Ysgol Aberconwy, ochr yn ochr â chefnogaeth ymroddedig staff, teuluoedd a chymuned ehangach yr ysgol.

Llongyfarchiadau i’n holl fyfyrwyr ar eu cyflawniadau. Dymunwn bob llwyddiant iddynt wrth iddynt gymryd eu camau nesaf ac edrychwn ymlaen at groesawu llawer ohonynt yn ôl i Chweched Dosbarth Ysgol Aberconwy ym mis Medi.