Plant mewn Angen: £20,000 Wedi'i Godi Dros y 5 Mlynedd Diwethaf

Mae wedi bod yn flwyddyn wych ar gyfer codi arian, gyda'r gymuned ysgol gyfan yn dod ynghyd i gefnogi ein hapêl Plant mewn Angen. Eleni, fe wnaethom godi cyfanswm terfynol o £3,098. Mae hyn yn golygu, dros y pum mlynedd diwethaf, fod Ysgol Aberconwy wedi codi mwy nag £20,000 ar gyfer Plant mewn Angen. Anhygoel!

Codwyd arian yn yr ysgol gyda gwerthiannau a digwyddiadau fel peintio ewinedd a rafflau. Gwisgodd llawer o aelodau’r Chweched Dosbarth (a’r staff!) i fyny i gefnogi’r achos. Rydym hefyd yn ddiolchgar i RunWales am ddarparu mannau elusennol i’n staff a’n myfyrwyr chweched dosbarth gwblhau hanner marathon noddedig yng Nghonwy. Cododd y myfyrwyr arian ar eu pen eu hunain hefyd trwy drefnu gweithgareddau noddedig, gan neilltuo eu hamser rhydd i elusen.

Beiciodd un o'r myfyriwr hynny, sef Riley ym Mlwyddyn 7, 50km anhygoel i godi arian. Llawer o waith a llawer o ymroddiad gan un mor ifanc! Rhannodd Riley rai meddyliau am ei gyflawniad trawiadol, gan ddweud “Rydw i wedi gwneud ymdrech fawr” i godi arian eleni, “mae fy rhieni yn falch iawn ohonof i”. “Rydw i wedi bod yn beicio ers amser maith”, meddai, a dyna pam roedd yn ddewis naturiol ar gyfer codi arian. Dywedodd Riley y byddai’n “ceisio mynd am ddau” a chodi arian eto’r flwyddyn nesaf.

Un arall o sêr codi arian ‘Arwyr Aberconwy’ yw Anelise ym Mlwyddyn 9, sydd wedi codi’r swm mwyaf a godwyd gan unrhyw fyfyriwr unigol dros y pum mlynedd diwethaf. Dywedodd “Rwy’n teimlo’n wych oherwydd fy mod wedi cael effaith ar fywydau cymaint o blant”. Ymdrech barhaus ragorol!

Dros yr ychydig flynyddoedd diwethaf rydym wedi cael myfyrwyr yn cynnal cwisiau noddedig a ‘Bingo Bongos’, yn trefnu sioeau talent a hyd yn oed yn beicio i fyny’r Wyddfa.

Rydym yn falch iawn o'r hyn y mae cymuned yr ysgol wedi'i gyflawni yma, ac yn falch o fod wedi cael effaith mor gadarnhaol ar fywydau cymaint o blant a myfyrwyr.