Noson Agored Ardderchog

Aeth Noson Agored yr wythnos diwethaf i ddarpar fyfyrwyr a'u teuluoedd yn wych! Roeddem yn falch iawn o wahodd nifer mor fawr o westeion i ymweld â'r ysgol a gweld beth sydd gennym i'w gynnig.

Mwynhaodd ymwelwyr bob math o weithgareddau, gan gynnwys ymarfer y tu ôl i'r llenni ar gyfer ein sioe gerddorol sydd ar ddod, arbrofion cemeg, codio, modelu clai, arteffactau hanesyddol, steilio gwallt, Scalextric, heriau chwaraeon, Minecraft, modelu rhag daeargrynfeydd, gemau dyfalu, cwisiau, celf a chrefft, crosio, helfeydd trysor, a hyd yn oed cyfle i gael llun gyda Thŵr Eiffel (efallai nid yr un go iawn)! Roeddent cyfle hefyd i fwynhau bwyd a chacen drwy gydol y noson.

Roedd ein harbenigwyr ADY a'n staff cefnogi ar y safle i ateb cwestiynau a rhoi syniad o'r math o waith rydyn ni'n ei wneud i helpu ac annog myfyrwyr ag anghenion dysgu ychwanegol. Rydyn ni'n cymryd lles myfyrwyr o ddifrif ac rydyn ni wedi ymrwymo i wneud eu diwrnodau ysgol mor fuddiol a phleserus â phosibl.

Hoffem ddiolch yn arbennig i'r holl fyfyrwyr a wirfoddolodd i helpu ar y noson. Cawsom lawer o wirfoddolwyr yn helpu gyda gweithgareddau ac yn tywys gwesteion o amgylch yr ysgol. Gadawodd eich agweddau cyfeillgar argraff gyntaf wych ar rieni, ac rydym yn gwerthfawrogi eich bod wedi ymgorffori ysbryd eich ysgol!

Rydym yn ffodus i gael tîm staff gwych a wnaeth argraff fawr ar bawb gyda’r holl egni maen nhw'n ei ddangos wrth sicrhau bod ein hysgol yn lle rhagorol i ddysgu a thyfu. Gobeithiwn fod pawb a fynychodd wedi mwynhau cwrdd â nhw, a bod eich holl gwestiynau wedi cael eu hateb. Edrychwn ymlaen at weld llawer ohonoch chi’n ôl yma fis Medi nesaf!