Llwyddiannau Traws Gwlad Eryri

Llongyfarchiadau mawr i'r myfyrwyr a gystadlodd yn llwyddiannus ym Mhencampwriaethau Traws Gwlad Eryri yn ddiweddar! Daeth Eve ym Mlwyddyn 12 yn ail, daeth Riley ym Mlwyddyn 11 yn drydydd, a Gwilym ym Mlwyddyn 7 yn bedwerydd.

Nid oedd hyn yn hawdd, gan gystadlu mewn amodau anodd yn erbyn athletwyr ifanc gobeithiol eraill, ond mae'r myfyrwyr llwyddiannus wedi ennill eu lleoedd ar y tîm rhanbarthol ar gyfer Pencampwriaethau Traws Gwlad Cenedlaethol Ysgolion Cymru yn Aberhonddu. Byddant yn cystadlu eto ar y 25ain o Chwefror.

Mae hon wedi bod yn flwyddyn hynod lwyddiannus i'n hathletwyr traws gwlad, gydag un ar bymtheg yn cynrychioli tîm Ysgolion Conwy. Da iawn bawb, a phob lwc ar gyfer yr her nesaf!